Tilu urang tamu anu ngendong di hotel anu kamarna aya di lante 45, rek ka kamarna masing-masing.
Ku sabab lift hotelna ruksak, maranehna kapaksa kudu naek tangga. Tah pikeun ngaleungitkeun rasa bosen jeung cape, maranehna satuju lamun saurang-saurang bagilir ngadongeng. Bagianana nyaeta : Tamu kahiji (Asep) nyaritakeun anu pikaseurieun, Tamu kadua (Atet) nyaritakeun nu pikasieuneun, Tamu katilu (Ujang) nyaritakeun anu pikasediheun.
Ti tangga lante ka-1 nepi ka lante 15, Si Asep nyaritakeun carita anu pikaseurieun sareng bobodoran anu tiasa ngaleungitkeun bosen....
Ti tangga lante ka-16 nepi ka lante 30, Si Atet nyaritakeun carita nu pikasieuneun alias carita-carita horor...
Ti tangga lante ka-31 nepi ka lante 43, Si Ujang nyaritakeun carita anu pikasediheun.
Sanggeus nepi ka lante 44, tamu katilu (Ujang) ngodok saku terus ngarandeg. Pok manehna ngomong, "Sobat, ayeuna kuring rek nyaritakeun hal anu pangpikasediheunana."
"Ngeunaan naon?" Ceuk nu duaan meh bareng.
"Konci kamar urang kabeh tinggaleun di lante dasar!" Cenah.
Nu duaan meh bae pingsan
0 comments:
Post a Comment